21 мамыр  - елімізде шығармашылық адамдарының мәртебесін айқындайтын, маңызы ерекше Мәдениет және өнер қызметкерлері күні. Бұл атаулы күн 2013 жылы Қазақстан Республикасының тұңғыш  Президенті Н.Назарбаевтың Жарлығымен бекітілген болатын.

Мәдениет – ұлттың қуаты, ғасырлар бойы үзілмей келе жатқан рухани болмысы, ақыл-ой, парасаты.

Құрметті мәдениет, өнер саласының қызметкерлері!

Бүгінгі ерекше мереке күні мәдениет пен өнер саласына еңбегі сіңген аға буын өкілдеріне айтар алғысымыз шексіз.

Еліміздің өркендеп-өсуіне, мәдениет биігіне шығармашылық тұрғыдан қызмет етіп, халықты тамаша өнерлеріңізбен қуанта беріңіздер!

Бүгінгі күн – Тәуелсіз Қазақстанның, Мәңгілік Елдің келешегін кемел, болашағын жарқын ететін, ұлттық бірегейлігімізді танытуға үлес қосатын жақсы күн болсын дегіміз келеді.

Баршаларыңызға шығармашылық жолда толағай табыс, еңбектеріңізге жеміс, отбасыларыңызға бақ-береке тілейміз!

Әрдайым абыройларыңыз асқақ, мерейлеріңіз үстем, өнердегі жұлдыздарыңыз жарық болсын демекпіз!

Мереке құтты болсын!