Бүгін, 10 қазан әлеуметтік желілерсіз өмірін елестете алмайтындар үшін өте маңызды күн. Неліктен? Өйткені 2006 жылы осы күні "ВКонтакте" пайда болды. Қазіргі уақытта бұл әлеуметтік желі Ресейде өте танымал. Бұл платформа үшін оның негізін қалаушы Павел Дуровқа алғыс айту керек. Егер "ВКонтакте" тарихын еске түсірсек, ол бастапқыда сол кездегі интернеттің бүкіл ресейлік сегментін қамтитын "Одноклассники" желісіне едәуір ыңғайлы балама ретінде пайда болды. Айта кетейік, Павел Дуровтың желісі өзінің негізгі бәсекелесін бір-екі жылдан кейін-ақ басып озып, 2009 жылы Ресейдегі желі лидеріне айналды. "ВКонтактенің" аудиториясы одан әрі кеңейіп келе жатқанын айта кету керек, қазір әлеуметтік желі шетелде де кеңінен танымал.
Сондай-ақ, 10 қазанда ресми болмаса да, өте жағымды мереке – Жапырақ сусылдату күні аталып өтеді. Қалай дегенде де аулада күз, бұл күні сіз үйіңізден шығып, жұмысқа барар жолда немесе түскі үзіліс кезінде "жапырақ сусылдатсаңыз" болады. Пах, шіркін! Сондай-ақ күзгі жапырақтар арасында фотосессия ұйымдастыра аласыз – әсіресе ол қазір сәнде екені айтылып жүр.
Егер халықаралық мерекелер туралы айтатын болсақ, 10 қазан Дүниежүзілік психикалық денсаулық күні деп белгіленген. Ол Дүниежүзілік денсаулық сақтау ұйымының қолдауымен өткізіледі. Ресейде ол РМҒА академигі Татьяна Дмитриеваның бастамасымен 2002 жылдан бастап аталып өтеді. Бұл күні Ресейдің көптеген аймағында Психиатриялық мекемелердің ашық есік күндері, конференциялар, баспасөз конференциялары және басқа да іс-шаралар өтеді.
Бүгін – Халықаралық көз жанарының күні. Бүкіләлемдік денсаулық сақтау ұйымының бастамасымен қазан айының екінші бейсенбісінде атап өтіледі. Атаулы күн күнтізбеде зағиптықтан, көз жанарынан айрылудан сақтану мен оны емдеу негізінде белгіленген болатын. Халықаралық көз жанарының күнінде осы проблемаларға қатысты түрлі игі іс-шаралар өтеді. Сондай-ақ, бұл күн «Көріну 2020: көзге еркіндік» деген халықаралық зағиптықтан сақтандыру агенттігінің де негізгі мерекесі болып есептеледі екен. Соқырлық – көру мүшесі қызметінің жұмыс жасамауы. Ғаламшарымызда түрлі созылмалы көз ауруларына және созылмалы зағиптық немесе туа біткен зағиптық ауруларына шалдыққандардың қатары өте көп. Халықаралық агенттіктің мәліметтеріне сүйенетін болсақ, шамамен 284 миллион адам көз ауруы проблемасына шалдықса, олардың 39 миллионға жуығы мүлде көз жанарысыз қалған. Көз ауруына 19 миллионға жуық бала зардап шегіп келеді. 80 %-ға жуық зағип жандар қазіргі заманғы емдеу шараларынан бастарын ала қашады. Халықаралық көз жанары күнінің шеңберінде көз ауруларын емдеуге қатысты шаралар мен нұсқаулықтар өткізіледі. Кей мемлекеттерде осы күні көз ауруларына шалдыққан жандар офтальмолог мамандарға қаралады.
