Бүгін сайлауға қатысты үгіт-нәсихат пен сайлауалды бағдарламасын түсіндіру мақсатында Мәжілістің депутаттығына үміткер Дамир Дигай жастармен кездесті. Кездесуге ауданның жалпы жастары мен білімгерлері қатысты. Қазіргі пандемия жағдайына байланысты барлық санитарлық талаптары сақталған іс-шарада жас үміткер өзінің осы уақытқа дейін атқарған жұмыстары мен жүріп өткен өмір жолы жайында баяндады. Ол бұл кездесудің өзінен өзге, өзі үшін маңызды екенін атап өтті. Себебі, ол жас буынның белсенділік танытып, жүректері алып ұшып тұрған уақытта пайдалы ақпаратпен, өзінің іс тәжірибесімен бөлісіп, дұрыс бағыт-бағдар беріп жүргеніне дән риза. Өте жоғары деңгейде өткен кездесу соңында жастар үміткерге өздерінің сауалдарын ашық түрде қойып, ұсыныстарын да білдірді. Әрбір жастың көзінен жалын көрген Дамир Дигай қойылған сұрақтарға тиянақты түрде жауап берді.