Бүгін аудандық кітапханада «Адал» партиясының сенімді өкілі, депутаттыққа үміткер Ләззат Шыңғысбаева Балпық би ауылының тұрғындармен кездесті. Ләззат ханым кездесу барысында тұрғындарды сайлауға үміткер 16 үміткермен жеке-жеке таныстырып, олардың алға қойған мақсаттарын, осы уақытқа дейін тындырған тиянақты шаруаларын түсіндірді. Бұдан бөлек, «Адал» партиясы бес партияның ішіндегі бірден-бір цифрлы жүйеге өткен партия екенін айта келіп, тұрғындарды сайтқа кіріп, цифрлы жүйеде өздері тұрған өңірлердің жалпы тыныс-тіршілігін бақылау керектігін де түсіндіріп өтті. Сонымен қатар партияның жалпы сайлау алды бағдарламаларымен таныстырып, тұрғындардың «Адал» партиясы мүшелігіне өтінштерін қабылдады
