Бүгін Агенттіктің Алматы облысы бойынша департаменті басшысының м.у.а. Жандос Жұмабаев Талдықорған қаласы әкімдігінің қызметкерлерімен кездесті.

Кездесуге Алматы облысының ақпараттық-ағарту штабының төрағасы Серік Мұқанов қатысты.

Кездесу аясында мемлекеттік қызметшілерге сыбайлас жемқорлыққа қарсы заңнаманың өзгерістері түсіндірілді, сондай-ақ облыс аумағында сыбайлас жемқорлыққа қарсы іс-қимыл бойынша қабылданып жатқан шаралар таныстырылды.

Сонымен қатар, Жандос Жұмабаев "Transparency Kazakhstan" - Қазақстандағы сыбайлас жемқорлықтың жай-күйіне жүргізілген мониторинг қорытындыларымен таныстырды.

Кездесу барысында Департамент басшылығы жергілікті атқарушы органдардың қызметінде бірқатар өзекті сұрақтар мен мәселелерді атап өтті. Олардың ішінде: мемлекеттік қызметтерді сапасыз көрсету, яғни белгілі бір құжаттарды алу кезінде бюрократиялық әуре-сарсаңға салу; түрлі іс-шараларға, қызметтер мен тауарларға бюджет қаражатын дұрыс жоспарламау және ұтымсыз пайдалану; халықпен кері байланыстың болмауы, азаматтардың өтініштерін дұрыс қарамауы.

Кездесу қорытындысы бойынша Департамент басшылығы көрсетілетін мемлекеттік қызметтердің сапасын арттыру және өтініштер деңгейін қысқарту, сондай-ақ сыбайлас жемқорлық фактілерінің туындауына жол бермеу мақсатында бірқатар ұсыныстар енгізді.

ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Алматы облысы бойынша департамент