Мемлекетіміздің болашақ қадамдарының қарымды болуы – біздің бүгінгі шешімдерімізбен тікелей байланысып жатыр. Сондықтан да референдумге қатысып, еліміздің азаматы ретінде өз таңдауымызды жасау парызымыз.«Бала айтқаныңды емес, көргенін істейді» демекші, референдумге бес бүлдіршінді көпбалалы жас отбасы Есенбековтер жанұясы да белсенді қатысты.«Елдің ертеңі перзенттеріміздің еншісінде болғандықтан бес бүлдіршініме бұл науқанның маңыздылығын түсіндіріп, әкелік үлгімді көрсеттім. Жарқын болашақты құру жолында азаматтарымыздың референдумда өз дауыстарын беріп, таңдау жасағандары дұрыс шешім», –дейді Алмат Есенбеков.