Қазіргі заманғы білім беру жүйесі оқушының тек білім алуын емес, сонымен қатар оның ойлауқабілетін, логикалық және шығармашылық ой-өрісін дамытуға бағытталған. Себебі ойлай білетін, сыни көзқараспен қарай алатын оқушы – болашақта өз жолын таба алатын, шешімқабылдауға қабілетті тұлға.

   Ойлау – туа бітетін қабілет емес, дамытылатынқасиет. Ол күнделікті білім мен тәжірибенің, бақылау мен талдаудың нәтижесінде қалыптасады. Оқушыда ойлау дағдысын дамыту үшін:

- Ашық сұрақтар қою;

- Шығармашылық тапсырмалар беру;

- Дәлелдеу, салыстыру, қорытынды жасауға баулу;

- Топтық жұмыс пен пікір алмасу ұйымдастырумаңызды.

   Мысалы, математика сабақтарындағы логикалықесептер, әдебиеттегі кейіпкерлер мінезін талдаунемесе тарихтағы оқиғаларға баға беру – бәріоқушының ойлау көкжиегін кеңейтеді.

    Мұғалім – ойлауға үйретуші. Егер ұстаз тек ақпарат берумен шектелмей, оқушыны сұраққоюға, өз пікірін айтуға, дәлелдеуге, ізденугебағыттаса – сол кезде ғана шынайы ойлау дамиды. Қазіргі білім беру моделінде «дайын жауап» емес, «ізденіс» маңызды.

Ойлай білетін оқушы – білімді ғана емес, саналы, зерек, жауапкершілігі жоғары тұлға. Сондықтанмектепте білім берудің басты мақсаты – оқушылардың ойлау қабілетін дамыту болуға тиіс. Себебі ойлай білетін ұрпақ – ел болашағыныңтірегі.

 

Жазира ТҰРСЫНБАЕВА,

Ақын Қабан Жырау атындағы

орта мектептің математика 

пәнінің мұғалімі.