Көксу аудандық мәслихатының депутаты Түстікбаева Айгерім Айдарқызының бастамасымен «AMANAT» партиясының «Кедергісіз келешек» жобасы шеңберінде аудан аумағындағы балалар ойын алаңдарының жағдайына мониторинг жүргізілді.

Мониторинг барысында анықталғандай, бірқатар балалар алаңдарының жағдайы қанағаттанарлықсыз күйде. Атап айтқанда:
– Ойын элементтері (сырғанақ, әткеншек) ескірген, кейбіреуі сынған;
– Қауіпсіздік талаптарына сай келмейді (шегелер ашық, қаптама жоқ);
– Алаң маңында күтімсіз өсіп тұрған шөп пен бұзылған қоршаулар бар.

Бұл – тек жай ғана жайсыздық емес, балалардың өмірі мен денсаулығына тікелей қауіп төндіретін жағдай. Ата-аналардың шағымы орынды. Алаңдар тек ойын емес, баланың физикалық және әлеуметтік дамуына әсер ететін маңызды орта.

Түстікбаева Айгерім Айдарқызы бұл мәселені назарда ұстап, тиісті мекемелерге ресми сұраныс жолдады.