2 қыркүйекте халыққа жолдауында Президент Қасым-Жомарт Тоқаев референдум 6 қазанда өтетінін мәлімдеді.
Қазақстанға үлкен жауапкершілік жүктейтін АЭС сияқты ірі жоба бойынша шешім қабылдайтын кезеңге таяды. Билік "ел өміріндегі әрбір маңызды қадам жұртшылықпен бірлесіп жасалады"  Сонымен қатар Мем­лекет басшысы да энергетика мәселесін шешудің маңыз­ды­лы­ғын айрықшалап айтып кетті. «Бүгінде энергетиканың Қазақстан экономикасындағы рөлі зор. Энергетикалық қа­уіп­­сіз­дікті қамтамасыз ету – бас­ты міндеттің бірі.  «Қазақстан – әлемдегі ең ірі уран өндіруші мемлекет. Ендеше, өз жерімізде атом стансасын салуға әбден қа­қымыз бар» деп атап өтті.  Елі­міз­­де энергия­ны тұтыну қар­қыны жылдан-жылға артып келеді.

         АЭС – еліміздің энергетикалық саясатының маңызды бағыты. Кейінгі кездері жаңартылатын әрі баламалы қуат көздерін дамытуға нақты бағыт алдық. Еліміз жалпы энергия теңгерімі құрылымындағы жаңартылатын қуат көздерінің сапалы өсімін 3%-ға жеткізді. Осыған дейін бұл көрсеткішті 2030 жылға қарай 10%-ға дейін өсіруді мақсат еттік. Енді Мемлекет басшысының тапсырмасымен жаңартылатын қуат көздерінің үлесін 15%-ға дейін жеткізбекпіз. Негізі атом энер­гиясын табысты өндірудің кілті – ядролық реакторды дұрыс таңдау. Олардың түрлері мен сұ­рыптары өте көп. Негізінен олар бір-бірінен мақсаты мен жұмыс істеу қағидаттары бо­йынша ерекшеленеді.  Сол себепті, АЭС құрылысының ел дамуына мультипликативті әсерін толық ұғынуымыз қажет. Болашақта атом энергетикасын дамытудың бірнеше елеулі артықшылығы бар еке­нін де ескеру қажет. АЭС елді энергиямен қамтамасыз ету көздерін әр­тараптандыруға, көмір мен газға тәуелділікті азайтуға ықпал етеді. Сондай-ақ атмосфераға парниктік газ шығарындыларын азайтатын экологиялық таза энергия көзі­не жатады. Атом энергиясы энергиямен қамтамасыз етудің тұрақтылығына да жауап береді. Өйткені АЭС үздіксіз жұмыс істейді әрі ауа райы жағдайына тәуелді емес. Заманауи технологияларды енгізу АЭС-тің жоғары тиімділігі мен қауіпсіздігін қамтамасыз етуге мүмкіндік береді. Атом энергетикасы елі­міздің техно­логиялық дамуына және жаңа жұмыс орындарының ашылуына ықпал етеді. 

Лабасы ауылдық округінің әкімі

Кешуов Тимур Мұқанұлы