Көксу ауданында өтіп жатқан республикалық референдумға аудан тұрғындары белсенді қатысуда. Солардың қатарында көпбалалы ана, «Батыр ана» иегері де өз таңдауын жасап, дауыс беру учаскесіне келді.

Балпық би ауылындағы №233  сайлау учаскесіне келген батыр ана алдымен комиссия мүшелерімен амандасып, белгіленген тәртіп бойынша дауыс берді. Ол бұл маңызды саяси науқанға қатысуды әрбір азаматтың парызы екенін атап өтті.

— «Бүгін ел болашағына қатысты маңызды күн. Біз өсіп келе жатқан ұрпақтың жарқын болашағы үшін өз таңдауымызды жасауымыз керек. Сондықтан әрбір азамат дауыс беруге келіп, өз пікірін білдіруі тиіс деп ойлаймын», — деді батыр ана.

Көпбалалы ана ретінде ол жас ұрпақтың тәрбиесіне, елдің тұрақтылығы мен дамуына бейжай қарамайтынын жеткізді. Оның айтуынша, бірлік пен татулық — еліміздің ең үлкен құндылығы.

Жалпы, Көксу ауданында референдум күні дауыс беру үдерісі тыныш әрі ұйымшыл жағдайда өтуде. Тұрғындар өз азаматтық белсенділіктерін танытып, ел болашағына бейжай қарамайтынын көрсетіп жатыр.

Ел болашағына жауапкершілікпен қарайтын көксулықтардың қатарында батыр аналар да бар. Олар ұрпақ тәрбиелеп қана қоймай, қоғам өміріне де белсенді араласып, үлгі көрсетуде.