Сыбайлас жемқорлыққа қарсы іс-қимыл – қоғамның ортақ міндеті

        Сыбайлас жемқорлық – кез келген мемлекеттің дамуына кері әсер ететін қауіпті әлеуметтік құбылыс. Ол заң үстемдігін әлсіретіп, азаматтардың мемлекеттік органдарға деген сенімін төмендетеді, экономиканың дамуына кедергі келтіреді және қоғамдағы әділеттілік қағидаттарына нұқсан келтіреді. Сондықтан сыбайлас жемқорлыққа қарсы іс-қимыл – мемлекет пен қоғамның басты міндеттерінің бірі.

         Сыбайлас жемқорлықтың алдын алу үшін ең алдымен заң талаптарын сақтау, ашықтық пен есептілікті қамтамасыз ету қажет. Мемлекеттік қызметкерлер өз міндеттерін адал әрі әділ атқаруы, қызметтік өкілеттіктерін жеке басының пайдасына пайдаланбауы тиіс. Сонымен қатар азаматтар да заң бұзушылықтарға бейжай қарамай, құқықтық мәдениетін арттырып, жемқорлық фактілеріне төзбеушілік танытуы маңызды.

         Жас ұрпақ заңды құрметтеп, адал еңбек арқылы жетістікке жетудің маңызын түсінуі қажет.

        Ақпараттық технологиялардың дамуы да жемқорлықтың алдын алуға мүмкіндік береді. Мемлекеттік қызметтердің электрондық форматқа көшуі, цифрлық жүйелердің енгізілуі адам факторын азайтып, қызмет көрсету процесінің ашықтығын қамтамасыз етеді. Бұл өз кезегінде заңсыз әрекеттердің алдын алуға ықпал етеді.

        Қорытындылай келе, сыбайлас жемқорлықпен күрес – тек құқық қорғау органдарының ғана емес, бүкіл қоғамның ортақ ісі. Әрбір азамат заңды құрметтеп, адалдық пен әділдік қағидаттарын ұстанған жағдайда ғана жемқорлықсыз, дамыған және құқықтық мемлекет құруға болады.

 

 

 

     А. Қожабергенов

Көксу ауданы мәслихатының

аппарат басшысы