Көксу аудандық кітапханасында Жамбыл Жабаевтың туғанына 180 жыл толуына орай «Ғасырдың ғаламат ақыны» атты тұлғалық сағат ұйымдастырылды. Танымдық шара барысында ақынның кітаптарынан «180» саны бейнеленген арнайы кітап инсталляциясы жасақталды. Кітапханашы Жамбыл Жабаевтың өмірі мен шығармашылығы туралы мазмұнды ақпарат ұсынып, оның жыршылық өнері жайында бейнеақпарат көрсетті. Іс-шара оқырмандарға ақын мұрасын кеңінен таныстырып, рухани тағылымы мол әсер қалдырды.