Конституциялық реформа туралы сөз болғанда, көпшілік оны алыс, күнделікті өмірден бөлек нәрсе деп қабылдайды. Алайда бұл өзгерістер — нақты адамдардың тұрмысына, отбасыларға, жастардың арман-мүддесіне тікелей қатысты. Ауданымыздың тұрғыны ретінде әрқайсымыз осы реформаныңнақты жемісін сезінеміз.
Тұрғындардың әлеуметтік кепілдіктері нығайды
Реформа барысында азаматтардың әлеуметтік құқықтары — денсаулық сақтау, білім алу, тұрғынүй — конституциялық деңгейде нығайтылды. Бұлжай ғана сөз емес: мемлекет осы салаларға жауапкершілігін заң жүзінде мойындады. Ауылдық жерлерде медициналық қызмет сапасын арттыру, мектептер мен балабақшаларды жеткілікті қамтамасыз ету міндеттері енді мемлекеттің тікелей конституциялық міндеттемесіне айналды.
Аз қамтылған отбасыларды қолдау, мүмкіндіктері шектеулі азаматтардың құқықтарын қорғау мәселелері де реформада ерекше орыналады. Халықтың осал топтарына мемлекет тарапынан қол ұшын беру — гуманистік қоғамның белгісі.
Жастарға — жаңа мүмкіндіктер мен жауапкершілік
Конституциялық реформаның ең маңызды жеңімпаздарының бірі — жастар. Жасөспірімдермен студенттердің қоғамдық өмірге қатысуы заңнамалық тұрғыда кеңейтілді. Бүгінгі жас буынөз пікірін білдіруге, қоғамдық талқылауға, жергілікті мәселелерді шешуге ат салысуғамүмкіндік алды.
Жастар кеңестерінің рөлі артып, олардың ұсыныстары жергілікті басқарушы органдарда міндетті түрде қарастырылатын болды. Аудандық деңгейде де жас активистердің, волонтерлардың, спортшылар мен мәдениет өкілдерінің үні естілетіналаңдар пайда болды.
Спорт пен дене тәрбиесін дамыту да реформаның басымдықтарының бірі болыптабылады. Спорт инфрақұрылымын, жастарклубтарын, секциялар мен үйірмелерді мемлекеттікқолдаумен кеңейту — бұл балалар мен жастардың бос уақытын мағыналы өткізуіне, денсаулығын нығайтуына тікелей ықпал етеді. Мәдениет пен ана тіліміз — ұрпақтар арасындағы көпір.
Мемлекеттік тілді дамыту, ұлттық мәдени мұранысақтау жастардың жеке тұлға болып қалыптасуына негіз болады. Конституциялық реформа мәдениет саласына бюджет қаражатын бағыттауды нормалар деңгейінде бекітті. Ауданымыздың мәдениет үйлері, кітапханалары, спорт кешендері — осы жаңа кепілдіктердің нақты жемісі.
Жастардың ана тілінде сауатты сөйлеуі, тарихын білуі, мәдениетін қастерлеуі — бұл тек жеке мәселе емес, бұл ұлттың болашағы. Бөлімімізде жыл бойы ұйымдастырылатын мәдениіс-шаралар, тіл олимпиадалары, спорттық жарыстар осы мақсатқа қызмет етеді.
Конституциялық реформа — бұл бізге, ауданымыздың тұрғындарына, жастарымызға арналған жаңа серпін. Ол нені өзгертеді? Өзгертетіні — мемлекет пен азамат арасындағы сенімді байланысты. Жастарымыздың болашаққадеген сенімі артады, ата-аналарымыз балаларының ертеңіне тыныш қарайды. Ал біз — бөліміміздің ұжымы — осы өзгерістердің ауданымызда толыққанды жүзеге асуына ат үстінде тұрамыз!
Аудандық ішкі саясат, мәдениет,
тілдерді дамыту және спорт бөлімінің бас маманы
Еркенова Гульжан Орынбайқызы
