Қазақ халқының сан ғасырлық тарихында елдің тағдыры таразыға түскен сәттерде жұрттың басын қосып, ақылдасып, ортақ шешім қабылдайтын ерекше дәстүр қалыптасты. Ол – құрылтай. Құрылтай – халқымыздың бірлігі мен ынтымағын нығайтып, елдік мәселелерді кеңінен талқылауға негіз болған маңызды қоғамдық институт.

Бүгінде бұл дәстүр тәуелсіз Қазақстанда жаңа мазмұнмен жалғасып келеді. Ұлттық құрылтай қоғам мен мемлекет арасындағы ашық диалогты дамытуға, ұлттық құндылықтарды дәріптеуге және елдің дамуына қатысты маңызды бастамаларды талқылауға бағытталған маңызды алаңға айналды.

23 тамыз – елдік пен қоғамдық келісімнің маңызын тағы бір мәрте еске салатын күн. Бұл күнде құрылтайдың басты ұстанымдары – бірлік, татулық, өзара сыйластық және ортақ жауапкершілік қағидаттары ерекше мәнге ие болады. Қоғамның тұрақты дамуы әр азаматтың белсенділігіне, ел тағдырына деген жанашырлығына және ортақ іске қосқан үлесіне байланысты.

Құрылтайдың негізгі мақсаты – халықтың пікірін тыңдау, өзекті мәселелерді ортақ талқылау және елдің болашағына бағытталған нақты ұсыныстар әзірлеу. Білім беру, мәдениет, ұлттық тәрбие, экономика, әлеуметтік саясат, заң үстемдігі, экология және өңірлерді дамыту мәселелері құрылтай жұмысының негізгі бағыттарының бірі болып табылады.

Бүгінгі таңда құрылтай – тарихи дәстүрдің жалғасы ғана емес, қоғамдық келісімді нығайтатын, азаматтардың үнін билікке жеткізетін тиімді алаң. Оның шешімдері ұлттық бірегейлікті сақтауға, мәдени мұраны дәріптеуге және жас ұрпақты елжандылыққа тәрбиелеуге ықпал етеді.

23 тамыз қарсаңында құрылтай құндылықтарына тағы бір мәрте назар аудару – ел бірлігін нығайтуға, қоғамдық келісімді сақтауға және ұлттық мүддені бәрінен жоғары қоюға үндейді. Бірлігі бекем, ынтымағы жарасқан ел ғана тұрақты дамып, жарқын болашаққа нық қадам басады.

Қазақтың «Кеңесіп пішкен тон келте болмайды» деген даналығы құрылтайдың мәнін дәл айқындайды. Ортақ мәміле мен өзара түсіністікке негізделген шешімдер – мемлекет дамуының, қоғам тұрақтылығының және ел болашағының берік кепілі.

Азина МҰҚТАРҚЫЗЫ