Құрылтай сайлауын ұйымдастыруға байланысты дайындық жұмыстары кезең-кезеңімен жүргізілуде. Қазіргі таңда сайлау процесінің талапқа сай өтуін қамтамасыз ету, ұйымдастыру мәселелерін пысықтау және тиісті жұмыстарды үйлестіру бағытында бірқатар шаралар атқарылуда.

Сайлауды өткізу барысында басты назар – заң талаптарының сақталуына, ашықтық пен әділдік қағидаттарын қамтамасыз етуге бағытталған. Сайлау учаскелерінің жұмысы ұйымдастырылып, жауапты мамандардың міндеттері нақтыланып, сайлау процесіне қатысушыларға қажетті ақпарат беру жұмыстары жүргізілуде.

Азаматтар үшін сайлау кезеңдері, дауыс беру тәртібі, сайлаушылардың құқықтары мен міндеттері туралы түсіндіру жұмыстары маңызды орын алады. Әрбір сайлаушы өз құқығын білуі және сайлау процесіне жауапкершілікпен қатысуы қажет.

Аудандарда да дайындық жұмыстары жалғасуда. Сайлау учаскелерінің материалдық-техникалық жағдайы тексеріліп, ұйымдастыру мәселелері қарастырылуда. Учаскелік комиссия мүшелерінің жұмысы жүйеленіп, сайлау күні барлық талаптардың сақталуына бағытталған шаралар қабылдануда.

Құрылтай сайлауы – азаматтардың қоғамдық өмірге белсенді араласуына мүмкіндік беретін маңызды процесс. Сондықтан сайлаушыларға қажетті ақпаратты уақытылы жеткізу, олардың құқықтық сауаттылығын арттыру және сайлау барысының ашық өтуін қамтамасыз ету – негізгі міндеттердің бірі.

Дайындық кезеңіндегі жұмыстар алдағы сайлаудың ұйымдасқан түрде өтуіне және азаматтардың өз таңдауын еркін жүзеге асыруына бағытталған.

Сұлушаш Есенаман