Құрылтай сайлауына дайындық аясында сайлау учаскелерінің әзірлігі кезең-кезеңімен пысықталуда. Ұйымдастыру жұмыстары қолданыстағы заңнама талаптарына сәйкес жүргізіліп, дауыс беру күнінде барлық процестің белгіленген тәртіппен өтуіне жағдай жасалуда.

Дайындық барысында сайлау учаскелерінің орналасуы, материалдық-техникалық жарақтандырылуы және қажетті құжаттармен қамтамасыз етілуі тексеріледі. Сонымен қатар, дауыс беру кабиналары, жәшіктер және ақпараттық стендтердің талапқа сай болуы назарға алынады.

Учаскелік сайлау комиссияларының мүшелері үшін оқыту және түсіндіру іс-шаралары ұйымдастырылып, дауыс беру рәсімін өткізу тәртібі, сайлаушылармен жұмыс істеу және заң талаптарын сақтау мәселелері қарастырылады. Бұл сайлау күні туындауы мүмкін түрлі жағдайлардың алдын алуға мүмкіндік береді.

Сайлаушылар тізімін нақтылау жұмыстары да жалғасуда. Азаматтар өздерінің қай сайлау учаскесіне тіркелгенін алдын ала анықтап, қажет болған жағдайда тиісті тәртіппен мәліметтерін нақтылай алады.

Құрылтай сайлауына дайындықтың барлық кезеңінде заңдылық, ашықтық және жариялылық қағидаттарын сақтау негізгі талаптардың бірі болып қала береді. Ұйымдастыру жұмыстарының сапалы жүргізілуі сайлау процесінің жүйелі әрі талапқа сай өтуіне негіз болады.

Ермек ДОСАНҰЛЫ