Жаңалықтар
Ерлан Қарин: Биылғы Жолдаудың біріктіруші идеясы – цифрландыруды дамыту және жасанды интеллектіні жаппай енгізу |
| Мемлекеттік хатшы Ерлан Қарин Президенттің бүгін Қазақстан халқына жолдаған Жолдауының маңызына тоқталды. «Биылғы Жолдаудың біріктіруші идеясы – цифрландыруды кең көлемде дамыту және жасанды интеллектіні жаппай енгізу. Президент Қасым-Жомарт Тоқаев экономиканың түрлі салаларына цифрландыру мен жасанды интеллект құралдарын жеделдетіп енгізу міндетін жүктеді. Бұл қадамның барлығы жинақтала келіп, Қазақстанның жаңа Ұлттық цифрлық даму стратегиясына біріктіріледі. Қазақстан жаңа технологияларды дамыту мен енгізуде кешенді әрі жүйелі шешімдер қабылдаған әлемдегі алғашқы елдердің бірі болып отыр. Бұл ретте Қазақстан болашақта технологиялық тұрғыдан дамыған мемлекет атануды көздейді. Осылайша, биылғы Жолдауда цифрлық трансформация мен жасанды интеллектіні енгізу біздің ел үшін жаңа ұлттық идея ретінде айқындалды», – деді ол. |
| Толығырақ... Оқылды: 84 Санат: ЖАҢАЛЫҚТАР Уақыты: 09.09.2025 |
Бибігүл Жексенбай: Жолдау – елдің болашағын айқындайтын стратегиялық құжат |
| Сенат депутаты Бибігүл Жексенбай Мемлекет басшысы Қасым-Жомарт Тоқаевтың 2025 жылғы Қазақстан халқына Жолдауындағы негізгі басымдықтарға тоқталды, – деп хабарлайды 7-su.kz ақпараттық порталы. Депутаттың айтуынша, биылғы Жолдау дәстүрлі үндеу ғана емес, елдің даму бағытын айқындайтын стратегиялық бағдарлама: «Қасым-Жомарт Тоқаевтың Жолдауы – нақты тапсырмалар мен ұлттық идеяларды тоғыстыратын маңызды құжат. Ол Қазақстанның болашағы үшін жаңа технологиялық және әлеуметтік бағыттарды қамтиды», – деді Бибігүл Жексенбай. Сенатордың пікірінше, Жолдауда ерекше мән берілген цифрландыру мен жасанды интеллект – жаңа ұлттың тірегі: «Президент цифрландыруды технологиялық үрдіс ретінде ғана емес, ұлттық мүдде мен экономикалық қауіпсіздіктің негізгі факторы ретінде көрсетті. Бұл қадам Қазақстанды инновациялық дамуда алдыңғы қатарға шығаруға мүмкіндік береді. Сингапур мен Оңтүстік Кореяның тәжірибесі соның дәлелі», – деді ол.... |
| Толығырақ... Оқылды: 85 Санат: ЖАҢАЛЫҚТАР Уақыты: 09.09.2025 |
Елордадағы ерекше күн |
| Апта басы айшықты жаңалықпен басталды. Жетісу жерінен Ел Президенті Қасым-Жомарт Тоқаевтың дәстүрлі Жолдауына арнайы делегацияның қатарында Елордаға келуім ерекше есте қалған күннің бірі болды. Бұл Мемлекет басшысының былтырғы жылды «Жұмысшы мамандықтар жылы» деп атап, қатардағы еңбек адамының беделін арттырып, имиджін қалыптастыруға бағыттаған жүйелі тапсырмасының жемісі десем артық айтқандығым емес. Өзім жазиралы Жаркент өңірінде су шаруашылығы саласында еңбек етемін. Жасыратыны жоқ мұндай маңызды жиынға Үкімет адамдары, Сенат пен Мәжіліс депутаттары, министрлік өкілдері мен облыс әкімдері ғана қатысатындай көрінетін. Бірақ ел Президентінің Жолдауы өтетін салтанатты жиында өзім сияқты қатардағы еңбек адамдарын көргенде ерекше әсерге бөлендім. Мұның өзі қарапайым еңбеккерлердің қазіргі таңдағы қоғамдағы орнын белгілеп берді. Бұл қолдау бізге де өз пайдасын тигізеді деп ойлаймын. Және осындай жиынға бізді қатыстыру қарапайым жұмысшының табан ет, маңдай терін бағалау деп... |
| Толығырақ... Оқылды: 78 Санат: ЖАҢАЛЫҚТАР Уақыты: 09.09.2025 |
«Заң және тәртіп – мемлекетіміздің мызғымас тұғыры» – Президент |
| Қасым-Жомарт Тоқаев Жолдауында қоғамдағы тәртіп пен мәдениет мәселесіне ерекше тоқталып, заң үстемдігін нығайтудың маңызын атап өтті. «Заң және тәртіп – мемлекетіміздің мызғымас тұғыры. Қоғамда осы қағиданы түбегейлі орнықтыру үшін барлық құзырлы органдар арасында ортақ көзқарас пен ортақ ұстаным болуы қажет. Бұл – ең алдымен ешқандай құқық бұзушылыққа жол бермеу қағидасы, яғни кез келген заңсыздыққа қарсы тұру деген ұстаным», – деді Президент. Мемлекет басшысы құқық қорғау органдарының осы бағыттағы жұмысын қолдаудың маңызын атап өтті. Сонда ғана қоғамда құқық бұзушылыққа, озбырлық пен зорлық-зомбылыққа қарсы сана қалыптасып, жат қылықтарға төзбеушілік орнығатынын айтты. Президент қазіргі тұрмыстық қатынастардағы мәдениет тапшылығына назар аударды: «Адамдарда дөрекі сөйлеп, бір-бірімен ерегісу, қоғамдық орындарда айқай-шу шығару жиі кездеседі. Өкінішке қарай, мұндай көріністердің ішінде балағат сөздер айтып, қоғамдық тәртіпті бұзат... |
| Толығырақ... Оқылды: 78 Санат: ЖАҢАЛЫҚТАР Уақыты: 08.09.2025 |
Тоқаев: «Жастар үшін патриотизмнің басты көрсеткіші – жасампаздық пен жаңашылдық» |
| Мемлекет басшысы Қасым-Жомарт Тоқаев Жолдауында қазіргі жас буынның патриотизмге деген көзқарасы түбегейлі өзгеріп келе жатқанын атап өтті. Президент жастардың отаншылдықты жаңа қырынан түсінуі – қоғам дамуының маңызды белгісі екенін айтты, – деп хабарлайды 7-su.kz ақпараттық порталы. «Қазіргі көкірегі ояу жас ұрпақ отаншылдық деген сөзді басқаша қабылдайды. Жастардың басым көпшілігі әсіредіншілдікті, әсіреұлтшылдықты қолдамайды. Олар үшін патриотизмнің басты көрсеткіші – жасампаздық пен жаңашылдық», – деді Мемлекет басшысы. Президенттің сөзінше, бүгінгі жас ұрпақ «Елді сүю – халыққа пайдасы тиетін жаңалық ашу, жаңа іс бастау» деп түсінеді. Олар заманауи технологияларды меңгеріп, Қазақстанды дамыған, көркейген мемлекет ретінде көруге ұмтылады. Тоқаев жастардың бойындағы патриотизмді болашаққа деген шынайы ұмтылыс деп бағалап, олардың күш-жігеріне, дарыны мен біліміне сенім артатынын жеткізді. «Біз ғылым-білім... |
| Толығырақ... Оқылды: 94 Санат: ЖАҢАЛЫҚТАР Уақыты: 08.09.2025 |
Жолдау: «Таза Қазақстан» жобасы елдің жасыл болашағына жол ашады |
| Президент Қасым-Жомарт Тоқаев Қазақстан халқына Жолдауында экология мәселесіне ерекше тоқталды, –деп хабарлайды 7-su.kz ақпараттық порталы. – Қоршаған ортаға жанашыр болу, оған үлкен жауапкершілікпен және шынайы қамқорлықпен қарау ұлттық идеологияның өзегі болуы керек. Былтырдан бері «Таза Қазақстан» жалпыұлттық жобасы жүзеге асырылып жатыр, бұл баршаңызға аян. Осы жұмысқа миллиондаған азаматымыз атсалысуда. Жұрт болып жұмылудың арқасында 860 мың гектардан астам аумақ тазаланды, төрт миллионнан астам ағаш отырғызылды. Осындай белсенді жұмысты жалғастыра берсек, аңсаған арманымызға жетіп, Қазақстан нағыз жасыл ел болмақ. Бұл келешек ұрпаққа керемет үлгі-өнеге әрі өсиет болып қалады, – деді Мемлекет басшысы. Президенттің айтуынша, бұл бастама ел ішінде жаппай қолдау тауып, жасампаз құндылықтардың жарқын көрінісіне айналды. – Халқымыздың игі істерге деген ұмтылысы қуантады. Осы жұмысқа атсалысып жүрген азаматтарға, әсіресе жастарға ризашы... |
| Толығырақ... Оқылды: 42 Санат: ЖАҢАЛЫҚТАР Уақыты: 08.09.2025 |
Тоқаев: «Қазақстанда бір палаталы Парламент құру бастамасын көтергім келеді» |
| Қасым-Жомарт Тоқаев ел алдында сөйлеген сөзінде еліміздің парламенттік жүйесіне қатысты маңызды бастама көтерді. Президент бұл мәселеге үлкен жауапкершілікпен қарау керегін атап өтті. «Мен Сенатқа он жыл басшылық еттім. Бұл жұмысты қашанда зор мәртебе әрі үлкен жауапкершілік деп санадым. Сондықтан маған осы мінберден парламенттік реформа туралы айту оңай емес. Соған қарамастан мен дәл бүгін елімізде көп ұзамай бір палаталы Парламент құру туралы бастама көтергім келеді», – деді Мемлекет басшысы. Президент бұл қадамның ел тағдыры үшін аса маңызды екенін, сондықтан асығыстыққа жол беруге болмайтынын жеткізді. «Бұл – өте маңызды мәселе. Оны асығыс жүзеге асыруға болмайды. Реформа азаматтық секторда, сарапшылар ортасында, сондай-ақ, қазіргі Парламенттің өз ішінде жан-жақты талқылануы қажет. Оның мән-маңызы айрықша болғандықтан, талқылауға бір жыл уақыт керек деп ойлаймын», – деді Тоқаев. Мемлекет басшысы талқылаудан кейін, 2027 ж... |
| Толығырақ... Оқылды: 38 Санат: ЖАҢАЛЫҚТАР Уақыты: 08.09.2025 |
Тоқаев Үкіметке медициналық мониторинг жүйесін жасанды интеллектпен жетілдіруді тапсырды |
| Президент Қасым-Жомарт Тоқаев Қазақстан халқына Жолдауында медициналық қызмет сапасына мониторинг жүргізудің жаңа тетіктерін енгізу қажеттігін айтты, – деп хабарлайды 7-su.kz ақпараттық порталы. – Елімізде медицина нысандары біртіндеп жаңғыртылуда. Ауылдағы фельдшерлік-акушерлік пункттерден бастап мамандандырылған ауруханаларға дейін жаңартылып жатыр. «Ауылда денсаулық сақтауды жаңғырту» ұлттық жобасы аясында 540 нысан салынды, жыл соңына дейін тағы 115 нысан пайдалануға берілмек. Қалаларда да бірқатар ірі нысан іске қосылды. Мәселен, Астанада онкология орталығы, Алматыда Жұқпалы аурулардың ғылыми орталығы ашылды. Бұған дейін салынған көпбейінді ауруханаларды бюрократиялық кідіріссіз пайдалануға беру қажет. Мұндай нысандардың санын көбейтіп, мемлекеттік-жекеменшік серіктестік арқылы жеке инвестиция тартқан жөн. Сонда азаматтар Астанаға көшуге мәжбүр болмайды, – деді Мемлекет басшысы. Президент фармацевтика саласын дамытуға да ерекше тоқталды. Оны... |
| Толығырақ... Оқылды: 28 Санат: ЖАҢАЛЫҚТАР Уақыты: 08.09.2025 |
Жетісу облысында «Ашық есік күні» аясында 285-тен астам тұрғын медициналық тексеруден өтті |
| Жетісу облыстық денсаулық сақтау басқармасының бастамасымен өңірдің аудан және қала деңгейлерінде «Ашық есік күні» акциясы аясында профилактикалық іс-шаралар өткізіле бастады. 2025 жылғы 26 тамызда Кербұлақ ауданында және 2 қыркүйекте Текелі қаласында тұрғындарға ауқымды медициналық тексерулер жүргізілді. Акцияның негізгі мақсаты – тұрғындарға тегін профилактикалық медициналық көмек көрсету, ауруларды ерте анықтау, медициналық қызметтердің қолжетімділігін арттыру және халықтың медициналық сауаттылығын көтеру. Барлығы 285 адам тексеруден өтті, олардың ішінде – 53 бала және 162 әйел, соның ішінде 43 жүкті әйел бар. Халыққа кеңес беру үшін нейрохирург, невролог, балалар хирургі, педиатр, онколог, уролог, акушер-гинеколог және проктолог сияқты тар бейінді мамандар тартылды. Бүгінгі күні Кербұлақ ауданы мен Текелі қаласында 60-тан астам тұрғын мамандардың қаралуынан өтіп, кеңес алды. Барлық келген азаматтарға тексеру мен емдеу жоспары жасалды. Дәрігерлердің... |
| Толығырақ... Оқылды: 57 Санат: ЖАҢАЛЫҚТАР Уақыты: 05.09.2025 |
Жетісу облысында шомылу маусымы қорытындыланды: 4 адам қаза тапты, 36 адам құтқарылды |
| Жетісу облысында шомылу маусымы аяқталды. 2025 жылдың 1 маусымында басталған маусым қорытындысы бойынша, рұқсат етілмеген су айдындарында шомылу салдарынан 4 адамның қаза болғаны тіркелді, олардың екеуі - балалар. Қайғылы оқиғалар Қаратал өзенінде (Қаратал ауданы), сондай-ақ Кербұлақ және Алакөл аудандарында орын алған. Бұл туралы Жетісу облысы Төтенше жағдайлар департаментінің Төтенше жағдайларды жою басқармасының бастығы Қалдыбек Төлеуұлы мәлімдеді. Құтқарушылардың жедел әрекеттерінің арқасында биылғы маусымда 36 адам, оның ішінде 13 бала құтқарылды. Суға шомылу кезіндегі қауіпсіздік ережелерін бұзғаны үшін ТЖД қызметкерлері ӘҚБтК-нің 412-бабы бойынша 51 адамды әкімшілік жауапкершілікке тартты. Айыппұлдың жалпы сомасы 746 мың теңгеге жетті. Өңірде облыс әкімінің қаулысына сәйкес 5 ресми рұқсат етілген шомылу орны анықталған болатын. Сонымен қатар, облыстық мәслихаттың шешіміне сәйкес 76 жерде шомылуға тыйым салынды. Демалушылардың қауіпсіздігін қамтамасыз ету мақсатында Ал... |
| Толығырақ... Оқылды: 47 Санат: ЖАҢАЛЫҚТАР Уақыты: 05.09.2025 |
